Charla riba malesanan di riñon di Benu Pharmacies tabata un exito

Diamars anochi a tuma luga un charla interesante riba e malesanan di riñon, presenta pa Benu Pharmacies na MFA Paradera, hunto cu Kidneys297.

Un cantidad grandi di persona a haci acto di presencia, pa asina informa nan mes mas miho riba con pa preveni cierto malesanan y tambe pa hiba un bida sano.

Luis Brown ta un di e personanan cu a bin e charla. El a comenta cu el a informa su mes riba e peligernan cu por daña e riñonnan, poco ehercisio y come malo.

El a haya e charla hopi informativo y e ta contento cu nan ta pone riba internet cu bo por sinta na cas y ripiti’e.

E tabata un bon charla. Dr. Garcia a splica tur cos hopi cla y comprendibel.


Mas Charla

Sigur mester tin mas charla. Brown ta haya cu mester haci mas uzo di internet, pa pone e informacion cu hende por bay y studi’e na cas, pa asina bo ta motiva e poblacion pa haci nan best cu e malesanan cronico, pa asina nan por yuda nan mes y tambe nan por informa otro tambe.

E prevencion ta hopi importante, segun Brown. Benu Pharmacies a haci un bon trabao di trece specialista, kende a splica hopi bon.


Informacion

Joaline Courtar ta un verpleegkundige, trahando na afdeling Dialyse y tambe tabata tey presente na e charla. El a hay’e hopi informativo. E ta pa concientisa e pueblo di Aruba, cu e problemanan cronico ta creciendo, cual e pashentnan ta bay end up na dialyse.

Courtar a splica cu e ta haya cu en realidad tin cu haci tipo di presentacionnan asina mas biaha den aña y pa e presencia di e publico ta mas tambe. Durante e presentacion na MFA tabata tin basta hende, sinembargo ta haya cu tin mester di mas interes di parti di e publico.

Pa tin biba un bida saludabel, bo tin cu haci un lifestyle switch. Bo tin cu come saludabel, bo tin haci fitness y tambe pa keda controla cerca e dokter di cas.


Benu

Arline Paulina, retail supervisor di Boticanan Benu, cu e acogida di e publico tabata tremendo. Tin cu recorda cu Benu a tene nan charla hunto cu Kidneys297, y Manrique Carpiles cu Awa Le Blue. E acogida tabata tremendo. Paulina a menciona cu nan ta gradicido na pueblo di Aruba, cu a bin pa haya informacion tocante nan salud.

Diamars anochi tabata tin e representantenan di Kidneys 297, dr. Garcia y tambe sra. Van Loon di Manrique Carpriles. Boticanan Benu lo bay sigui cu mas charla. Durante aña nan lo bay tin diferente seminario di salud, cual ta un actividad cu nan lo purba di haci na Aruba, Corsou y St. Maarten, pa asina concientisa pueblo riba nan salud.

Informacion

Pa mas informacion por subi riba nan pagina di Facebook, Benu Pharmacies Aruba, pa nan keda al dia cu tur informacion.