Diasabra awo, 16 di november, Koninging Wilhelmina Fonds ta organisa un charla cu tin como meta cancer di pecho y cancer di prostaat.
E charla ta tuma luga den ballroom di Alhambra for di 9’or di mainta te cu 11.30 y lo conta cu diferente orador. Un di e organisacionnan cu ta coopera cu KWF ta Fundacion Contra Cancer di Prostaat pa cual su presidente Jurgen Benschop tambe tabata presente na momento di anuncia e charla.
E organisacion aki for di september a cuminsa cu un campaña di conscientisacion riba cancer di prostaat y e testnan necesario. E motibo di e campaña, segun Benschop, tabata cu transcurso di añanan a nota cu e tema di cancer di prostaat ta manera un tema tabu. Nan fundacion ta pa conscientisa riba testnan necesario pa garantisa un comunidad saludabel.
No mester tin miedo pa haci e testnan aki, pasobra no ta solamente via dede por check e salud di e prostaat. Tambe por haci test di PSA via un test di sanger. Desde campaña, a haya bon reaccion. Investigacion cu nan a haci, ta mustra cu desde e campaña mas cu 170 test a wordo haci, di cual mas cu 30 a sali cu resultado un poco halto. E ta un indicacion di loke e Fundacion kier a logra, a duna resultado. Awo e hendenan mester sigui haci testnan mas avansa. E charla ta bay ta cierre di e campaña.
Diadomingo KWF tin su Ride, Walk, and Run for the Roses y for di 5.30 di mainta ta cuminsa ricibi e hendenan na e parkeeroplaats di Alhambra.
