Chaos Cafe awor tin doño nobo

2

Entrante dialuna awo dia 1 di april 2019, e conocido Patrick Bernasco, propietario di Chaos Café situa den Marisol Building, ta pasa e negoshi over pa Howie Thissen. E ultimo aki ta e Bartender pa e ultimo añanan y desde awo lo ta encarga pa hiba e negoshi na e siguiente nivel di desaroyo y crecemento.

Chaos Café ta existi desde aña 2000 y ta conoci pa su Happy Hournan, presentacion di bandanan local y un luga caminda ehecutivonan ta topa. Specialmente e servicio pero sin lubida e atencion personal di e bartendernan semper a diferencia Chaos for di tur otro.

Exito na Howie awor den su rol nobo ma Chaos Café!