Chadwick Tromp riba rooster di grandes liga di San Francisco Giants

656

San Francisco Giants a warda te cu e di 6 dia den temporada 2020 di baseball grandes liga pa haci cambio ria nan rooster. Nan a pone riba e lista e pelotero Arubano Chadwick Tromp na luga di Rob Brantly.

Tromp di 25 aña no tabata riba e lista desde e prome dia, pero e motibo ta cu e tabata sufri di un lesion chikito y no tabata cla pa hunga ainda. Awo cu el a recupera, Giants a pone riba e lista. No sa ainda si Tromp lo split e tempo cu Tyler Heineman of ta e backup. Tromp lo bira e di 4 hungado di Giants e aña aki cu ta debuta den MLB (grandes liga), hunto cu Caleb Baragar, Dany Jimenez y Joe McCarthy.

Na 2013 Cincinnati Reds a firma Tromp, kende a hunga den diferente liga pa nan. Despues cu el a bira agente liber, San Francisco Giants a firma Tromp, kende a resalta durante zomer.  Chadwick Tromp a pone riba su Twitter cu esaki ta un soño cu a bira realidad.