Cesar Olarte: Stop di stigmatisa pashentnan cu Coronavirus na Savaneta

E cantante Cesar Olarte awe a aclaria e rumornan persistente coriendo manera candela riba whatsapp den varios voicenote, potret di un cas na Savaneta y riba Facebook. Bisiñanan a saca potret y a informa cu tin 5 cas banda di otro cu tin pashentnan contagia cu Coronavirus y cu ta calcula cu lo tin 40 persona contagia. “Redashi e cos ki, no ta berdad”, asine e cantante a bisa den un selfie-video cu el a graba awe para dilanti su cas banda di su mama Yolanda van der Linden.

El a admiti si cu su primo a pega cu e virus na Aeropuerto y a bin cas y pega su mama cune. Ta tres hende ta biba den e cas, pues e tata, mama y yiu. A test e tata y e yiu, pero ambos test a sali negativo! E mama tin complicacion di salud existente pa cual Ambulance a busk’e pa intern’e na Hospital pa por brinda mas y miho cuido.

Cesar Olarte: Stop di stigmatisa pashentnan cu Coronavirus na Savaneta

Cesar Olarte: Stop di stigmatisa pashentnan cu Coronavirus na Savanetahttps://24ora.com/cesar-olarte-stop-di-stigmatisa-pashentnan-cu-coronavirus-na-savaneta/

Posted by 24ora on Saturday, April 4, 2020

E cantante ta lamenta cu hendenan sin escrupulo ta comparti e whatsapp tendencioso aki sin pensa e daño cu nan ta haci na e famia. Esaki ta un prueba cla di stigmatisacion y “bully” contra fami van der Linden y contra Savaneteronan. Olarte ta puntra su mes si no tin pashent den otro districtonan, cu mester baha asina pisa contra Savaneta.

Di otro banda, Departamento di Salud Publico a clarifica cu awe diasabra 4 di april ta circula atravez di rednan social y whattsapp un situacion cu a surgi na Savaneta. Pa loke ta e rumornan circulando cu Savaneta completo ta infecta y cu ta trata di 5 cas y mas cu 40 persona contagia ta completamente falso!

Pa loke ta e caso particular, DVG tin e obligacion pa ley pa proteha privacidad di cada pashent. Loke nos por informa ta cu e caso y situacion ta conoci cerca nos y ta atendi segun protocolnan estableci; esey kiermen cu a tuma tur medidanan di proteccion mescos cu tur otro caso y esunnan cu tabatin contacto cu e persona aki ta den cuarentena.