Departamento di Aduana tin e grato placer di anuncia cu desde Dialuna 29 juni 2020 nos team di K-9 por conta cu tres (3) miembro nobo den nos prestigioso team despues di a ricibi un training intensivo prepara y ehecuta pa un Douane ambtenaar y nan wordo certifica officialmente como Speurhonden Geleider.
E logro aki tawata possibel despues di casi tres luna di training y cu a termina algun siman pasa, esta diamars 23 juni 2020 cu e examen theoretico y pa asina finalisa diahuebs 25 juni 2020 cu e examen practico. Tambe mester remarka cu tawata tin cierto contra tiemponan door di Covid-19 pa por a hasi e training aki den e tempo stipula, mirando cu por ehempel Aruba Beatrix Airport mes a wordo sera como un di e medida di mitigacion pa cu e Covid-19, pero asina mes nos instructor a hasi su maximo exfuerso y a guia y train e tres colleganan aki cu hopi dedicashon y determinashon a logra pasa e curso aki cu exito.
Departamento di Aduana ta hopi contento mirando cu pa promer biaha un instructor den e su mesun departamento a certifica e colleganan aki. E instructor tambe ta un douane ambtenaar y ta un persona cu hopi experiencia den e ramo aki, cu a pasa e curso di Instructor di Speurhonden Geleiders exitosamente na Hulanda den November 2019 y awor e ta hasiendo e tarea di certifica e hondengeleiders den e departamento. Ta bon tambe pa menciona cu Departamento di Aduana Aruba awor ta conta cu un total di 8 cachonan cu tin e capacidad di detecta droga, arma, municion y awor tambe por detecta sumanan di placa. Departamento di Aduana Aruba ta desea e colleganan aki tur clase di exito pa futuro den nan trabou. Por ultimo mester menciona cu Aruba en general mester ta contento cu e logro di Departamento di Aduana pa motibo cu Departamento di Aduana su tarea ta pa salvaguardia e seguridad di nos dushi Pais.
