Cerbes Balashi ta hiba tres persona Fenway Park na Boston pa wak Xander Bogaerts

Campaña di Cerbes Balashi andando pa dos luna caba, e premio principal lo ta pa hiba tres persona directo Fenway Park pa asina presencia nos pelotero local Xander Bogaerts na Boston. Wega emocionante entre Boston Red Sox y New York Yankees ta un highlight cu sigur lo ta hopi interesante pero tambe e oportunidad di conose Xander Bogaerts personalmente.

Aunke nos tur na Aruba di un of otro manera conos e Xander, pero e emocion di por ta presenta na su wega y sera conosi cu ne personalmente net prome cu e cuminsa hunga , lo ta algo cu cualkier hende lo desea di experencia ta locual Rowald Werleman, Beer Ambassador di Brouwerij Nacional Balashi, a conta.

Cerbes Balashi ta hiba tres persona Fenway Park na Boston pa wak Xander Bogaerts

Cerbes Balashi ta hiba tres persona Fenway Park na Boston pa wak Xander Bogaerts. Click e link pa mas https://24ora.tv/2LkzBNn

Posted by 24ora on Saturday, July 13, 2019

E Campaña di Cerbes Balashi ta uno fasil, esnan cu ainda no a haya oportunidad di participa tin chens ainda pa esaki. Cumprando bo caha di Cerbes Balashi na cualkier supermercado/ minimarket favorito, pone bo nomber riba e recibo, saca un potret di esaki y mande pa nos pagina di facebook cu ta Balashi Aruba y bo ta participando.

Un recordatorio ta bay na e pueblo di Aruba cu e campaña aki ta termina dialuna awo 15 di juli. Tur esnan cu ainda falta pa participa, tin e fin di siman aki ainda pa haci esaki. Na momento cu bo manda nos e potret di bo recibo na e pagina, bo lo haya un confirmacion cu a ricibi esaki y cu bo ta participando den e campaña.

Ganadonan ta keda anuncia dialuna awo cu e felis noticia di cu nan lo ta bayendo Boston.

Adicional di e ticket di entrada pa bay wak e wega, e premio ta encera e pasashi pa Boston completamente paga como tambe un zakgeld, lo inclui transporte pa stadion y e oportunidad pa conose Xander Bogaerts.

Reaccion ta grandi pa e campaña aki y pa esey nos ta hopi gradecido, pero asina mes kier corda tur hende pa nan tin nan liña na awa y participa. Cumpra bo caha di Cerbes Balashi, manda bo recibo y participa pa e tremendo premio aki. Wega di Boston Red Sox contra New York Yankees cu lo tuma luga dia 29 di juli proximo na Fenway Park na Boston.

Comments

comments