Departamento di Obra Publico ta informa pueblo di Aruba en general y specialmente nos automobilistanan cu ta haci uzo di e caminda di Sabana Blanco y Avenida Milo Croes cu lo bay cer’e parcialmente pa asfalta e caminda. Trabounan preparativo lo cuminsa diamars 26 di maart 2019 y lo asfalta e caminda diahuebs 28 di maart 2019.
E caminda cu lo asfalta ta, Sabana Blanco 12 pa Avenida Milo Croes 95.
Ruta alternativa lo keda indica cu baricadanan y borchinan di aviso y e orario di ceramento lo ta di 7’or di anochi pa 3’or di mainta. En conexion cu e trabounan menciona Departamento di Obra Publico ta pidi pa tene cuenta cu e inconveniencianan cu lo por surgi pa cual nos ta pidi nos disculpa.
