Dia 9 di november, Universidad lo habri su portanan pa publico en general di 9:30 di mainta te cu 13:00.
Awe nos lo laga Bo cera conoci cu Amy Richards.Un studiante di e
Faculdad di Sciencia, di e programma ‘Organization Governance and Management’. OGM).
Na edad di 18 aña, Amy Richards su strea tabata subiendo. E tabata sobresali den su ultimo aña di scol secundario, cu lus riba ganamento di un prominente competencia Arubiano di cantamento y cu plannan pa atende universidad na Hulanda despues di su graduacion; na momento cu su bida a tuma un rumbo inespera. Amy a realisa cu tur cos tabata na punto di cambia – su hubentud sin problema tabata tras di lomba. E tabata spera un baby.
Mientras cu sali na estado cu 18 aña no tabata parti di Amy su masterplan, el a acepta e yamada di maternidad cu balentia. El a opta pa pospone su educacion temporalmente y a uza su embaraso pa siña tur loke e tabata por riba con pa lanta un yiu. Na momento cu su yiu homber, Tyler, a nace, Amy a rehace su bida pa acomoda su pakete di alegria nobo. Sinembargo, tabatin algo cu e no tabata dispuesto na sacrifica – su educacion.
E caminda academico di Amy no tabata uno facil, pero e tabatin un sistema di sosten excelente.
Asina tanto, cu di echo, e y su mama a lanta ‘Baby Zoe Foundation’ pa asisti otro mama hoben cu por ta no tin bon sosten na cas. Despues di purba un par di biaha sin logra, Amy a haya su luga den e programa OGM di Universidad di Aruba unda el a descubri su pasion pa politica. E aña aki lo e defende su tesis, pa optene su titulo y e lo celebra Tyler su 10 aña.
Apesar cu bida a tir’e un curva, Amy nunca a give up. El a logra haya manera di balansa trabou, scol y maternidad cu admirabel gracia. Su strea nunca a stop di subi – el a tuma solamente poco mas tempo pa alcansa su top. Amy Richards ta otro ehempel bibo di loke bo por logra si bo ta kere den bo mes y nunca no ta laga bo soñonan cay. #UAcheive #UAVibes
Cu hopi orguyo nos kier informa pueblo cu Amy Richard a gradua siman pasa. El a obtene un diploma di Bachelor di Faculdad di Sciencia, di e programma ‘Organization Governance and Management’. Corda felicit’e diasabra ora boso bishita nos ‘Open House’ y haci uzo di e oportunidad pa e conta su experencia como mama, studiante y locutor.
Bin mira loke bo ta logra na UA.
Nos ta warda bo diasabra dia 9 di November. Haci uzo di e oportunidad y conbersa cu Amy y tur otro studiante tocante su experencia na Universidad di Aruba.
