Manera ta conoci, Centro Juvenil Washington, hunto cu Word of Life Fellowship ta organisa un campamento pa hoben di 13 pa 17 aña. Esaki ta di tres aña consecutivo cu ta ofrece e programa di Camparuba pa nos hobennan durante temporada di vacacion. Mayornan por ta sigur cu e programa lo ta un experiencia excitante y educativo pa nos hobennan. Nos tin lidernan responsabel pa guia e hobennan den un siman di aventura, wega, reto, temanan for den Bijbel y recreacion sano. Tema di Camparuba 2017 ta “Restart, un comienso nobo” pa duna nos hobennan guia den con pa enfrenta retonan nan dilanti. E campameto aki ta cuminsa dialuna 31 di juli y ta termina diasabra mainta 5 di augustus. Ainda tin oportunidad pa inscribi via email [email protected] y nos lo manda e formulario di inscripcion pa mayornan yena via email. Pa mas informacion di Camparuba 2017 por tuma contacto cu nos via telefon 5949793.
