Centro Elizier ta yuda tur adicto cu kier yudansa

Centro Elizier ta ubica na Paradera. Segun Gino Frans, nan ta druk tur dia. Nan tin un cas cu ta den renobacion actualmente.

Den dje lo bay tin 20 camber. Semper nan ta yuda 20 persona. E ta un cantidad cu nan por maneha. Actuamente nan tabata tin 13 persona, pero uno a huy lamentablemente. Pero pronto nan lo por tin mas espacio. Pa esnan cu kier drenta, nan por yama libremente na 5613792 of pasa na Paradera 159.

Si bo tin famia den adiccion, por bin tuma informacion y hasta haya un rondleiding. Ta prefera si pa e adicto mes bin pa asina haci un entrevista cun’e. Hopi biaha ta e famia kier ayudo pa nan ser stima. Pero mester tene cuenta cu ta e persona cu tin adiccion, e mester bin, e mester presenta, pa haci e entrevista.

Tratamento
Frans a splica cu nan tin un werktherapie. Nan ta traha cu un compania cu yama Happyponics, cu ta yuda nan cu plantacion di lechuga cu ta bende lechuga cu hotel y restaurantnan.
Tambe tin un parti pa yuda e luga tambe y ta duna e personanan un chens cu ora cu nan caba nan terapia, nan ta bay siña e trabao. Ora cu nan caba, nan ta haya nazorg. E meta ta pa traha y gana un salario for di e Hulandesnan aki, pa haya chens pa siña economisa y asina pone nan bek den sociedad. Ta sosode hopi cos na e centro. E programa di Centro Elizier ta di 9 luna. Ta e fase di detox cu ta 2 luna. Tin e fase di rehabilitacion, cual ta 6 luna y 9 luna. En total ta dura 9 luna.

Tin coy haci
E cliente ora e lanta mainta, tin trabao pa haci na e Centro. Trahando cu animal, cu mata y haci limpi, tur loke tin cu sosode ta sosode. Ta laga e personanan mes haci’e pa nan siña traha. Pa nan coy un ritmo di trabao. Pa nan wak cu bida no ta facil. Mester siña nan. Por dunabo hala, pero mester siñabo usanan. Si bo no traha, lo bo no come. Pesey ta siñanan traha, pa nan mes para riba nan pia.

Mensahe di Gino Frans
Por tuma contacto cu Gino Frans 24 ora pa dia. Por haye na un momentonan critico, pasobra e no ta facil. Tin biaha un persona kier drecha su bida, e ora por gar’e di biaha. Por yam’e libremente, na e telefon ya menciona y ta liber pa yuda.

Adiccion
Esunnan cu ta yega finalmente na e Centro, ta diferente. Algun ta usa piedra y tambe uno nobo cu yama moly. E ta un droga sintentico cu ta terorisa e adicto teriblemente. Hopi hoben ta us’e. Alcohol tambe y marihuana tambe ta wordo usa pa e adictonan cu ta bin pidi ayudo. Centro Elizier ta yuda tur, segun Frans.