Centro di Bario Playa Pabou a celebra Dia di Mucha den gran forma

Diasabra awo, dia 20 di november, nos ta celebra “Dia di Mucha” na Aruba. Riba e dia aki tambe ta celebra “Dia Internacional Di Derecho Di Mucha”. P’e motibo aki directiva di Centro di Bario Playa Pabao ta duna reconocemento na nos muchanan den un solo actividad na Playa Pabao.

E actividad aki a tuma luga diabierna dia 19 di november y a cuminsa pa 3:00pm y termina pa 8:00pm. 

Aki e muchanan a disfruta diferente actividad manera ‘waterslide’, bula den trampolin y Dino Jump, hunga den luchtkasteel, monster truck, pinta cara y participa na diferente wega. Tambe nan a haya oportunidad pa gana un celular. 

Mas laat atardi, a sigui un ora di locura pa un show “Di Mucha Pa Mucha” cu presentacion di e gruponan di baile y e solistanan hubenil. 

Tambe tabatin bishita special di parti di Zwarte Piet y brassband naturalmente a percura pa un dushi ambiente.

Sigur tabata un atardi sumamente dushi p’e muchanan, na antesala pa celebra nan dia diadomingo awo.

Un danki di curason ta bay na Vertegenwoordig van Nederland na Aruba (VNO), y Asociacion pa Trabou Hubenil Arubano (ATHA) pa nan contribucion na e actividad aki.