Celebrities a celebra titulo di campeon den gran forma

?????????????????????????????????????

Campeonato HEINEKEN fast pitch dedica na baluartenan Chin Thiel ( q.e.p.d) y e trabuco Wilbert “Wiwi” Maduro poko poko ta yegando na su final unda den categoria di A-Klas e titulo di Campeon a wordo defini diahuebs ultimo riba veld di Flatstone.

Celebrities a enfrenta Blackhawks den nan serie di best out of 5 pa e titulo maximo. Blackhawks kende a sali na promer lugar den campeonato no tabata por cu e presion di Celebrities kende tabata 2-1 ariba den e serie y a bin decidido pa bay cu e titulo. Celebrities di Esy Kelly maneha pa Jean Carlos Kock y Greg Manuel tabata por la goma y ta kncokout Blackhawks 10-0 den 4 inning pa titula campeon y ricibi nan pasashi gratis pa Liga AA den 2019.

Celebrities 10 careda, 10 hit, 1 error y ta laga 7 coredor den circulacion. Blackhawks 0 careda, 2 hit, 1 error y ta laga 1 coredor na base. Como equipo Celebrities a bati di 21 -10 pa un averahe di team di 476 mientras Blackhawks ta bay di 12 -2 pa un averahe di 167.

Mihor bateadornan pa Celebrities ta Enrique Almanzar 1-1 cu 1 rbi, Benjamin Tromp 3-2 cu 3 rbi, Gregory Manuel 2-2 mas 2 careda anota, Jason Albus 2-1 cu 3 rbi mas 2 careda anota ta conecta cu basenan jen un batazo largo pa left cu ta dal net na rand di e muraya di Flatsone bay halto y cay bek paden pa un triple bariendo base , Jose baez 2-1 y Albert Croes 3-2 cu 2 rbi. Yeised de Kort di Blackhawks a bay di 2-2 y pues a conecta e unico 2 hitnan pa su equipo. Antonio “Tony” Warner a bay 4 inning tirando 14 bola, 41 strike pa un total di 55 lansamento propinando 2 strike out, no ta regala ningun base por bola y no ta permiti careda pa un ERA di 0.00 y ta seya e victoria riba su nomber.

Rodney Kelly ta lansa 103 lansamento, regalando 5 base por bola permitiendo 6 careda limpi y mester conforma su mes cu e derota. Manera di 3 out a cay Celebrities a subi tereno pa celebra unda ASB mesora a reparti e premionan di campeonato cual ASB lo amplia mas riba nan den un edicion separa.

Antonio “Tony” Warner a carga Celebrities henter play off y a blankea Blackhawks den e wega final a bay cu e titulo di MVP. Blackhawks a ricibi su premio di sub campeon mientras Celebrities a ricibi su bunita trofeo di CAMPEON di A-Klas 2018.

Por a nota e determinacion riba e cara di e hungadornan kendenan lo melita den AA otro aña. ASB ta felicita tanto Blackhawks como Celebrities y ta desea tur equipo pa prepara tempran pa e temporada 2019. Deporte di Softball por mira atras riba un bunita campeonato 2018. Pabien deportistanan!!!