Recientemente gerencia di Aruba Ports Authority a bini hunto na Fish House pa celebra mas cu 200 aña di servicio bou di dies di su fiel empleadonan. Na e ocasion aki gerencia di APA a gradici empleadonan balente cu a mustra nan lealtad na e compania, entre nan un cu a cumpli 30 aña di trabou na Aruba Ports Authority. Empleadonan cu asina hopi aña den servicio ta pone un empresa crece.
APA ta contento di por conta cu un grupo grandi di trahadonan cu semper a keda cu nan y kendenan awe ta celebra nan hubileo di 10, 20 y 30 aña di servicio.
E hubilarionan cu a celebra nan anniversario ta:
Robert Bisslik a cumpli 10 aña di servicio dia prome di october 2019 y ta ocupa actualmente e funcion di Capitan di Tugboat;
Richard Croes dia prome di februari 2020 a cumpli 10 aña di servicio y ta ocupa actualmente e funcion di stuurman motorist;
Haimar Tromp dia prome di februari ultimo a cumpli 10 aña di servicio y ta ocupa actualmente e funcion di matroos;
Gelene Kelly a cumpli 20 aña di servicio dia 13 september 2019 y actualmente den administratie ta forma parti di afdelingcrediteuren;
Franklin Angela a cumpli 20 aña di di servicio dia prome december 2019 y ta ocupa actualmente e function di bewaker;
Dino Yarzagaray a cumpli 30 aña, dia 15 di december 2019 y ta ocupa actualmente e funcion di Senior Pilot;
Joslyn Gil a cumpli 30 aña di servicio di APA dia prome di januari 2020 y ta ocupa actualmente e funcion di hoofmotordrijver;
Ovandi Hirschfeld a cumpli 30 aña di servicio dia 16 januari 2020 y ta ocupa actualmente e funcion di haven verkeersleider;
Alex Werleman a cumpli 30 aña di servicio dia 12 di februari 2020 y actualmente ta asisti APA den e parti di magazijn;
Erwin de Mey a cumpli 30 aña di servicio dia 13 februari 2020 y ta ocupa actualmente e funcion di opzichter tweede klasse.
“APA ta sumamente orguyoso di por celebra asina hopi aña di servicio di su empleadonan. Boso ta ehempel di loke nos ta spera di nos empleadonan y pa APA semper ta un honor reconoce logronan asina. Boso contribucion na e bienestar di e compania y na Aruba ta altamente aprecia”, asina Marc Figaroa, Managing Director di Aruba Ports Authority N.V. a bisa durante e celebracion.
