Danilo Vrolijk a celebra 30 aña den servicio di Departamento di Aviacion Civil. E ta amplia mas ariba esaki. Vrolijk a cuminsa den e mundo di aviacion na 1989. El a cuminsa traha na Easter Continental como Reservation Agent y tambe Passenger Handling. Aunke el a topa cu retonan, el a sigui bay dilanti.
Ora cu el a haya un oportunidad pa bay traha como Luchtverkeersleider assistent na Directie Luchtvaart, el a opta pa tin un stabilidad laboral aunke a bay atras den salario.
Pero el a sigui diferente curso, pa sigui upgrade su conocemento den AIS avansa. Tambe el a inverti den su mes, el a sigui conferencia pa, riba su mesun gastonan, pa e amplia su conocemento. Un dicho cu e ta gusta hopi ta esun di John F. Kennedy, “No wak kico bo pais por haci pa bo, pero kico abo por haci pa bo pais.”
Desde cu el a inicia den gobierno, el a traha diesshete aña largo den Aeronautical Reporting Office. Pero na 2007 e director di e tempo, esta Adi Maduro, a dun’e un oportunidad pa traha den Breveteringsafdelling. El a haci diferente curso necesario pa por a cualifica pa ta den e departamento ey. Asina aki el a sigui desaroya su mes y awendia e por a yega na su 30 aña di servicio gubernamental.
Pa mas informacion lesa TREMPAN.
