Celebracion awenochi na sede di MEP na Santa Cruz

Movimiento Electoral di Pueblo (MEP) ta extende un invitacion na Pueblo henter pa celebra Himno y Bandera diasabra 17 di maart cu nos na Cede di MEP. E celebracion lo cuminsa pa 8’or pm y ta termina pa 2’or am.

E celebracion lo cuminsa cu un caminata cortico for di Plaza Status Aparte (banda di rotonde Santa Cruz) pa sede di MEP. E caminata lo cuminsa pa 10’or di anochi bao guia di Polis. Na sede di MEP lo tin entretenimento di e popular y exitoso ‘Grupo di Betico’. Lo tin tambe un ceremonia chikito.

Pa 12’or di anochi lo hisa e Bandera mas grandi di Aruba bao canto di nos Himno ‘Aruba Dushi Tera’. Lo tin varios artistanan local pa brinda publico canticanan dedica na nos Himno y nos Bandera. Bar y cushina lo ta bon surti.

Alabes, Partido MEP ta invita pueblo pa pasa mañan na Plaza Betico Croes pa e Manisfestacion Cultural, sigui pa Santa Cruz despues pa hisa e bandera di mas grandi di Aruba na sede di Partido MEP. Asina ta yama bon bini na 18 di maart 2018, dia di Himno y Bandera.