E anja aki e organisacion di LIFIDA lo conmemora e di 32 anja cu nan lo ta organisando e unico torneo di futbol infantil riba nos isla esta Torneo Internacional di futbol LIFIDA Himno y Bandera Aruba celebrando asina nos dia nacional Himno y Bandera 18 di maart.
E seleccion nacional di futbol U-13 a prepara nan mes den forma tremendo pa e compromiso internacional aki y ta cla pa duna bon prestacion den e di 31 edicion di e ‘Torneo Internacional Aruba Himno y Bandera 18 Maart’.
Mester bisa cu e seleccion tin lunanan largo ta prepara pa e grandioso torneo aki y ta conta cu e apoyo di e comunidad di Aruba specialmente amantenan di futbol pa yega stadion y mustra nan patriotismo y solidaridad cu e seleccion. E aña aki tin 4 pais ta participando cu ta: Bonaire, Colombia, Corsow, y mas cu claro Aruba.
E torneo lo ta e dianan 14 te cu 18 maart mientras e seleccion di Aruba U-13 lo enfrenta cuater seleccion di exterior. Riba 14 di maart, lo tin e ceremonia di apertura den stadion di Frans Figaroa na Noord esaki pa 5or.
E diahuebs mes Aruba lo enfrenta den nan prome wega e semper fuerte selecccion di Corsow pa 6.45 mientras Boneiro lo hunga den e prome wega contra Colombia. Pa su mañan diabierna 15 di maart, Aruba lo enfrenta Boneiro pa 6.20 di atardi, e dia 16 di maart esta diasabra Aruba lo hunga contra Colombia tambe pa 6.20 di atardi.
E final nan lo ta Dia 18 di maart riba e Dia Nacional Himno y Bandera pa 3.45 cu e wega pa di 3 y 4 lugar mientras pa 5.45 lo tin e gran final. Ban apoya nos muchanan y claro tur otro pais pa asina nos sigui engrandese e torneo internacional di futbol infantil.
Stichting Sportsubsidie Aruba ta contento di por aporta y brinda e ayudo na e organisacion di futbol LIFIDA cu pa di 32 anja ta organisando e torneo internacional di futbol LIFIDA Himno y Bandera Aruba celebrando asina nos Dia Nacional Himno y Bandera
Lotto, e loteria di Aruba ta ofrece diferente weganan manera; Catochi, Big 4, 1-OFF, Zodiac, Wega di Number Korsou, Lotto di Dia, Lotto 5, Mini Mega cu su Mega Plus y e weganan di Raspa y Gana.
Cumprando Lotto bo ta contribui na deporte riba nos isla. E meta ta pa organisa loteria, cambia bida di su hungadonan y na mes momento inverti den deporte local pa medio di donacionnan na e Stichting Sportsubsidie Aruba.
