Celebra “Aruba Nos Orguyo” na Aruba Aloe cu dollar pa florin, entretenimiento, cuminda crioyo y hopi mas

Sera bo grupo di amigo y famia y bishita Hato riba dia di Himno y Bandera! Aruba Aloe un biaha mas ta duna tur nos localnan un cordial bon bini na su celebracion anual di Dia di Himno y Bandera, cual ta Aruba Nos Orguyo, na su fabrica, museo y tienda di Aruba Aloe dia 18 di maart 2019.

Aruba Aloe cu tremendo evento di dia di Himno y Bandera

Aruba Aloe cu tremendo evento di dia di Himno y Bandera

Posted by 24ora on Wednesday, March 13, 2019

Di 9or pa 5or tur bishitante di e evento aki por disfruta di un variedad amplio di actividad nan, musica live di nos bandanan local, cuminda y bebida crioyo y 3 promocion unico den nan tienda.

Jessica Posner, Marketing Manager di Aruba Aloe ta splica: “Tur aña nos ta purba di agrega actividad nan nobo y divertido pa recorda tur bishitante con significativo e cultivacion di Aloe tawata y ta ainda den e identidad unico di Aruba”. E actividad nan lo inclui entre otro plantamento di Aloe y decoracion di e pochi bou di guia di un artista local, imprimi bo mesun T-shirt, un rally, photo boots y tour gratis di nan Fabrica y Museo cu ta conta e historia di cultivacion di Aloe aki na Aruba y ta mustra ful e proceso di fabricacion, di e cortamento di e Aloe te cu e producto final. Muchanan por disfruta di weganan local, Dino Jump, keiro rond di e Aloe field den un trein, pintamento di cara y man, coy hunga di Little Tikes pa esnan mas chikito y creamento di slime cu e gel di Aloe.

Lo tin varios banda local presente cu lo sigura un ambiente festivo brinando musica live durante henter dia, incluyendo Sodo y Cuero (9:30 – 11:30 am), Rincon Boys (12 – 2 pm) y D’licious (2:30 – 4 : 30 pm). Mientras bishitantenan por disfruta di musica di nos musiconan talentoso, nan por purba un dushi batido di Aloe, cumindanan tipico di Aruba, pasa boca, cos dushi, bolo, bebida y hopi mas. Lo tin cos dushi special pa mucha tambe.

Como parti di e celebración aki, Aruba Aloe lo tin 3 promocion special den su tienda na Hato. Prome, tur hende cu shop e dia aki lo participa pa gana diferente premio (incluyendo un crucero pa 2 persona); di dos, tur compra prome cu 11or di mainta lo ta acompaña pa un shopping bag gratis di Aruba Aloe; di tres, tur prijs cu normalmente ta dollar lo bira florin e dia aki cual semper ta un exito durante e evento aki. Posner ta sigui bisa: “Nos promocion di dollar pa florin semper ta un gran exito y nos ta hopi orguyoso di duna tur local e oportunidad di cumpra tur nan productonan favorito di Aruba Aloe cu a converti su mes definitivamente den Aruba su orguyo”.

Sigura bo mes di cu “Aruba Nos Orguyo” ta parti di e celebracion di Dia di Himno y Bandera dibo y bo famia!

Aruba  Aloe, cual  a wordo estableci  na 1890, ta un di  e poco compañianan di  Aloe na mundo cu ta crese,  cosecha y procesa su Aloe na  e mesun lugar. E Aloe, cual ta  wordo considera e miho Aloe di mundo,  ta e base di un coleccion di producto  pa cuido pa cuero, solo y cabey, cual constantemente  ta creciendo. Aruba Aloe awor aki tin 16 tienda aki na  Aruba, y su productonan ta obtenibel pa wordo cumpra riba www.arubaaloe.com (Merca  & Canada)  y na www.arubaaloe.nl (Europa).

Comments

comments