Pashent di Covid-19 – Cecilio Maduro: Sigui e reglanan di berdad pa evita contagio

Cecilio Maduro ta interna algun dia caba den hospital pero e ta contento pa motibo cu e ta mira cu e ta recuperando, danki na e hecho cu e personal profesional di Dr. Horacio Oduber Hospitaal ta sigui su salud di cerca.

Dia 25 Cecilio a sinti mal y a sinti cu su situacion no ta normal mas ya cu e tabata drumi y lanta cu keintura pa casi seis dia largo. “Mi tabata bebe paracetamol, drumi y lanta cu e keintura bek. Mi a laga mi yiu muhe yama dokter pa conte loke ta pasando. Diasabra anochi 8’or ambulance a yega mi cas. Nan a bisami cu mi mester bay hospital pasobra paracetamol no ta yuda mas.”

https://www.facebook.com/10150312484370001/videos/328537364898425

Asina cu el a yega hospital nan a cuminsa haci tur test necesario cu ne pa cuminsa cu e tratamento. Nan a pone na diferente aparato, cualnan poco-poco a kita cu cada mehoracion. E ta uzando un aparato di rosea ainda y esaki ta kita na momento cu e por hala rosea 100% di su mesun oxigeno.

Su conseho ta pa tur hende uza e mask di berdad. E ta corda cu e prome dianan no tabata facil. Pero danki na ayudo di personal di hospital cu continuamente ta vigile, el a mira mehoracion. Pa esnan eyfo cu no a hay’e ainda, respeta e reglanan di berdad di uza mask, mantene higiena y distancia social. “Esaki ta unico forma pa bo protege bo mes y otronan. Ami mi motivacion ta mi baby na cas cu mi kier mira.”

Cecilio Maduro a traha hopi aña na Ambulance y awor ta traha cu Kustwacht.