CBW ta hasi donashon di Naf. 8.250,- na RBI League Curaçao

Komo eks-organisador prinsipal di e siman di beisbol di Korsou (CBW) Blue Bay Curaçao Golf & Beach Resort a hasi un donashon di NAf. 8.250,- (U$D 4.580,-) na RBI League di Korsou. E donashon aki ta produkto di e sena ku vindishi ku a keda organisa na Desember 2016. E suma aki a keda entrega na Curaçao Baseball Development Foundation (CBDF) i Fundashon pa Nan (FPN) pa hasi e kampeonato di 207 di RBI posibel. Manera ta konosi e kampeonato di RBI ta un inisiativa di Major League Baseball (MLB). E evento aki lo konta ku 16 ekipo, 270 hungador i 8 ekipo en e divishon Junior i 8 en Senior. Tur Djasabra i Djadumingu lo por mira e talentonan aki di Korsou den akshon na Tio Daou Ballpark i e tereno di Syborg. E final lo tuma lugar Djadumingu 10 di Desember.

Anochi di Vindishi
Durante di e evento anual aki semper a tene un anochi di sena kombina ku vindishi, pa rekouda mas tantu fondo posibel pa destina esaki pa deporte i/of otro yudansa sosial. Ta hopi artikulonan relata na deporte i otronan ku no na deporte, a keda ofrese na esnan interesa. Finalmente a logra rekouda den e ultimo vindishi un suma di Naf. 77.400,- (U$D 43.000,-) . Di e total aki no menos ku NAf. 8.250,- ta bai pa RBI Curaçao. E donashonnan na tantu FDDK en CBDF ya a tuma lugar. Igualmente e biahe ku e delegashon formal pa presensia wega di beisbol na Miami, tambe a tuma luga na Augustus ultimo.

RBI
“Na nomber di e direktiva di RBI, nos ke gradisi Blue Bay enormemente pa e donashon aki. Desaroyo di talento di Beisbol ta keda ta un parti importante di nos pais. Danki na e hecho ku e kampeonato di RBI a reanuda, 270 pelotero hoben lo bai tin e posibilidat pa keda den “running” te ku e luna di Desember. Banda di esey nos ta mira ku masha entusiasmo e torneo di RBI ku ta bai tuma lugar kasi sigur na Miami den 1918. Dos ekipo di Korsou lo biaha e ora ey pa representa nos pais den e kampeonato ey.”, asina Ben Thijssen, direktor di RBI Korsou a afirma.

Blue Bay
“Nos ta wak bek ku hopi satisfakshon riba e ultimo kuater añanan eksitoso di CBW. Semper tabata sentral den e evento aki promove e deporte di beisbol na Korsou i duna poblashon di nos pais algu bek. E rekaudashon di plaka pa e komunidat di beisbol tabata tambe semper un ophetivo haltu den nos bandera. Esaki tabata e kaso for di e prome edishon di CBW ku tabata na 2013. Na nomber di Blue Bay i komo eks patrosinador prinsipal di e siman di beisbol aki, nos ta kontentu di por a yuda e kampeonato di RBI bini bek despues di un ousensia di un aña. Pronto i en todo kaso pome ku e proksimo CBW, Blue Bay lo hasi e ultimo donashon, segun Vincent Zrour, di Blue Bay Curaçao Golf & Beach Resort tq sigurá.

Pa mas informashon tokante di Curaçao Baseball Week por wak riba:
http://curacaobaseballweek.com & www.facebook.com/curacaobaseballweek.