CBDD ta distancia di carta di donacion circulando

Pa varios aña caba, directiva y miembronan di Centro di Bario y Deporte Dakota y S.V. Dakota ta wordo yama of acerca door di comerciantenan, cu e pregunta si e carta di donacion cu ta den circulacion aki ta ser manda door di ambos organisacion.

Pa medio di relato aki, President di CBDD y Presidente di Sv Dakota, kier a informa cu nan no tin ningun relacion cu e carta ki, ni esnan tras di e carta ki, mucho menos e grupo/organisacion encuestion. Tampoco tin conocemento si e evento cu nan ta menciona den e carta ta tuma lugar.

Tur carta di sponser cu ta pa Centro di Bario Deporte Dakota(CBDD (Jair Oduber) y SV Dakota (Gilmar Croes) lo ser acompaña cu nomber y firma di cada presidente.
Spera di a informa tur e commerciantenan cu semper a sostene e organisacionnan aki y nan eventonan. Dakota Tur Dia, manera e lema ta bisa.