Categoria U17 Femenino a ranca sali y Rockets ta derota Lady Blue Marlins 8-7

Campeonato Femenino fast pitch di Aruba Softball Bond dedica na baluartenan Jacobo Jansen y Gilbert “Nando” Maduro a inicia den categoria femenino U17 y Mayoor. Diahuebs ultimo na Pos Chiquito y mester accentua cu bastante fanatico Lady Blue Marlins a enfrenta Rockets unda nos hobennan di U17 a demostra un bon nivel di softball.

Rockets U17 ta sali brabo y ta anota 5 careda den promer inning. Lady Blue Marlins ta corta ventaha cu 2 careda den bom di promer inning. Den cabez di 3 inning Rockets ta amplia cu 1 careda mas y cabez di 4 inning ta bolbe anota un mas hasiendo e wega 7-2. Sinembargo den bom di 5 inning Lady Blue Marlins no ta baha cabez y ta jena base y cu 2 outs momento cu  Quioshanea Simon ta conecta un linedrive riba cabez di short cu ta bay pika extende den deep center left bariendo base y ta core te home pa empata e wega 7-7.

Finalmente den cabez di 5 inning Rockets ta anota un careda mas pa finalmente pone nen promer victoria riba nan nomber. Rockets 8 careda, 2 hit, 6 error y ta laga 10 coredor na base. Lady Blue Marlins 7 careda, 4 hit, 2 error y ta laga 6 coredor den circulacion. Mihor batiadornan pa Rockets U17 ta Shakienne Salas  2-1, Jaysjelienne Kock 2-1 cu un careda impuha mas 2 anota. Pa Lady Blue Marlins a destaca na bate Ilajay Tromp 2-1, Maryllaine Ignacio 2-1, Miguelina Werleman 3-1 y Quioshanea Simon di 3-1 cu 3 rbi y 1 careda anota. Jaysjelienne Kock a habri pa Rockets y ta bay 3 inning y dos tercio lansando 30 bola, 40 strike pa un total di 70 lansamento permitiendo 7 careda tras di 4 hit y ta regala 4 base por bola golpiando 3 hungador cu bala ta laga e wega 7-7 y no desicion.

Zulaima Croes ta drenta releva 1 inning y 1 tercio no ta permiti careda tampoko hit y ta seya e promer victoria riba su nomber. Maryllaine Ignacio ta habri e wega pa Lady Blue Marlins y ta bay 1 inning so permitiendo 5 careda y no desicion. Carolina Kelly ta releva bayendo 4 inning lansando 35 bola, 36 strike pa un total di 71 pitch permitiendo 3 careda tras di 2 hit regalando 4 base por bola y ta goplia dos hungador cu bala propinando 3 ponche pero ta bay cas cu e derota riba su nomber. ASB pushando pa Liganan mas joung pa desaroya nos talentonan na un edad mas hoben cumpliendo cu e vision di WBSC ( World Baseball and Softball Confederation). Diahuebs, Diabierna y Diasabra otro siman weganan tanto U17 y Mayor Femenino lo continua na Pos Chiquito. Pabien na ambos equipo cu a debuta den campeonato di Aruba Softball Bond.