Catedral di Notre Dame na Paris na candela

Polis di Paris ta bisa cu e catedral di Notre Dam ta na candela. Den un tweet, polis a bisa: “Candela na Notre Dame den progreso. Evita e area y facilita e paso di vehiculonan di emergencia y intervencion di prefpolice.”

E candela ta consumiendo e dak di e edificio central di e misa. Un di e hanguanan di e catedral a collapse, consumi pa e vlamnan.

E alcalde di Paris, Anne Hidalgo, ta bisa cu bomberonan ta purbando di controla un “candela teribel’ cu a cuminsa den e catedral di Notre Dame.

Riba Twitter, Hidalgo a bisa: “Ta produciendo un teribel candela den e catedral di Notre Dam na Paris. Bomberonan ta purba di controla e candela. Nos ta mobilisa localmente den relacion estrecho cu autoridadnan di iglesia. Mi ta pidi tur hende pa respeta e perimetro di siguridad.”

E presidente di Francia, Emmanuel Macron, a duna un discurso planea e anochi aki debi na e incendio di Notre Dam, vocero di Palais de l’Elysée a bisa.

Den un declaracion, e vocero a bisa: “Debi na e teribel candela cu a azota Notre-Dame-de-Paris, e presidente di e Republica a dicidi pa pospone su discurso.”

13 miyon di persona ta bishita e catedral pa aña. El a wordo construi den siglo XIII.

E minister di Interior di Francia a bisa cu ta tumando e medidanan extraordinario pa salba Notre Dame.

Trump a reacciona riba su cuenta di Twitter na e incendio y a sugeri pa uza trucknan special pa paga e vlamnan.

E presidente di Spaña, Pedro Sanchez, a bisa cu e tabata siguiendo e noticianan di e incendio. “Un noticia tristo pa nos historia y nos patrimonio cultural universal.”

Comments

comments