Castigo maximo pa un adolescente ta 4 aña

Ora cu un persona keda acusa di un crimen y Hues determina cu ta aplica Ley Penal pa Adolescente, e castigo tambe ta cambia. Abogado Demis Illes a aplica na 24ora cu ta depende di e gravedad di e acto cometi.

Pa cuminsa no ta papia di sentencia di prizon (gevangenistraf), pero di detencion hubenil (jeugddetentie). 

E maximo aplicable den Ley Penal Adolescente, si e agresor ta bou di 16 aña, ta 12 luna. Si e tin 16 of 17 aña, e maximo ta 24 luna. Awo, si e hecho castigabel cometi tin un straf di 15 aña manera ta den caso di homicidio (doodslag), of asesinato (moord) 30 aña; e castigo maximo ta 4 aña. E diferencia entre e dosnan aki ta si tabatin premeditacion.

Edad y condicion mental ta determina si ley ta husga como adulto of hoben

Edad y condicion mental ta determina si ley ta husga como adulto of hobenhttp://24ora.news/39d3zfV

Posted by 24ora on Friday, January 8, 2021

Tambe a puntra abogado Illes riba con un defensa den un caso manera esun cu a sosode e siman aki, lo muestra. El a aplica cu un defensa ta relativo. E por ta basa sea riba circumstancia, manera defensa propio; of riba personalidad, refiriendo na condicion mental cu ta influencia e acusado su patronchi di con e ta actua. “Tur caso ta diferente,ningun ta mescos y ta depende di e persona.”  

E tratamento di e caso por dura hopi si Hues considera cu tin mester di investigacion adicional y ta solicita esakinan. E no ta algo usual si na Aruba. 

Demis Illes ta gradua na 2006 na Hulanda y ta forma parti di e bufete DK Legal. E ta practica ley publico y priva, pero ta specialisa riba ley laboral, administrativo y penal.