E caso a tuma luga na September 2016 y despues di un periodo largo di investigacion, Hues awe a dicta sentencia y a duna poco menos castigo cu Fiscal a demanda. A pidi 25 aña di prizon pa cada un sospechoso pero Hues awe a condena nan na 20 aña di prizon cada un! Ta trata aki di e Boneriano Jefferson E. y Po Sin “Stevie” F., considera como e celebro den e atraco cu resultado fatal di su mesun tanta Shasha na su cas situa na Wayaca. Abogadonan di e Boneriano a bisa di lo conseha nan cliente pa no apela e sentencia. Cu 20 aña di prizon e acusadonan lo mester sinta 13 aña den KIA.
