Casonan positivo di Covid-19 ta sigui aumenta na Aruba

Departamento di Salud Publico a informa awe tardi cu tin 36 persona cu a recupera awe di Coronavirus. Di otro banda, a registra un total di 95 caso nobo di Covid-19, di cual 91 ta residente y 4 no-residente. Cantidad total di testnan ehecuta ayera na e diferente localidadnan entre otro laboratorio di hospital, laboratorionan priva y aeropuerto ta 513 test. Esey ta haci cu e ‘positivity rate’ bou di nos residentenan ayera ta 38%.

Cu e casonan aumentando tur dia di Covid-19, ta haci cu, segun DVG, awe Aruba tin no menos di 488 caso activo. E cantidad di mortonan relaciona cu Covid-19 ta 50.

Hospital a informa cu tin un total di 13 persona interna di cual 6 ta den Cuido Intensivo y 7 riba unidad general di Covid.