Casonan positivo di Covid-19 a baha te na 644

Segun resumen di awe di Departamento di Salubridad Publico Aruba, DVG, ta tuma nota cu 68 persona mas a recupera, tin 35 caso nobo di Covid-19, di cual tur ta residente, pues por considera un 20% di “positivity rate”.

E total di casonan activo a baha cu 33 persona y awor ta na 644 awe, total di testnan haci ta 326, testnan haci bou di residentenan na laboratorio di hospital ta 173 y total di caso di fayecimento relata na Covid-19 ta 27.

Hospital a informa cu tin un total di 40 persona interna di cual 10 ta den cuido intensivo y 30 ta isola riba piso general. Ban sigui cuida, Aruba ta conta cubo!