Despues cu e casonan nobo raporta a baha di 55, 30 y pa 16, awe DVG y Crisis Team ta anuncia cu tin 72 caso nobo di COVID registra.
E informe di DVG ta bisa cu segun resumen di awe 36 persona a recupera, a registra un total di 72 caso nobo di COVID-19, di cual 70 ta residente y 2 no-residente. Cantidad total di testnan ehecuta ayera na e diferente localidadnan na Aruba, entre otro laboratorio di hospital, laboratorionan priva y aeropuerto ta 610 test.
E ‘Postivity rate’ entre nos residentenan ta 23%, el a subi atrobe un poco compara cu e dianan anterior, ora cu el a yega 16%..
Activo tin awe 512 caso, cantidad di fayecido relaciona cu Covid-19 ta 52 persona.
Hospital ta informa cu tin un total di 31 persona interna di cual 10 ta den Cuido Intensivo y 21 riba unidad general di COVID. Un dia prome tabatin en total 25 persona interna den hospital di cual 10 tabata den ICU. E cantidad den ICU a keda mescos pero e pashentnan riba piso a subi.
