DVG ta informa den nan resumen diario cu awe 16 persona a recupera, pero a registra un total di 9 caso nobo di Covid-19. Den e casonan nobo no tin ningun no-residente. E cantidad total di testnan ehecuta ayera na diferente localidad na Aruba, entre otro laboratorio di hospital, laboratorionan priva y aeropuerto ta 63 test. ‘Postivity rate’ entre nos residentenan ta 15 %.
Casonan activo pa awe ta 144, cantidad di fayecido relaciona cu Covid-19 ta 100.
Hospital ta informa cu tin un total di 24 persona interna di cual 9 ta den Cuido Intensivo y 15 riba unidad general di Covid.
