Pocopoco pero sigur, e casonan activo di COVID-19 ta baha. Pa loke ta e dia di awe e casonan activo ta di 451, compara cu esun di ayera, cu tabata 488.
Pa loke ta e resumen mes, awe 56 persona a recupera, a registra un total di 19 caso nobo di Covid-19, di cual 4 ta no-residente. E cantidad total di testnan ehecuta ayera na e diferente localidadnan na Aruba, entre otro laboratorio di hospital, laboratorionan priva y aeropuerto ta 600 test. ‘Postivity rate’ entre nos residentenan ta 25%.
Cantidad di fayecido relaciona cu Covid-19 ta 92
Hospital ta informa cu tin un total di 39 persona interna di cual 16 ta den Cuido Intensivo y 23 riba unidad general di COVID.
