Diasabra atardi a sosode un caso basta straño. Ta despues di un accidente, e contra partido a rabia y bay cu auto di e esun cu el a accidenta contra di dje. Despues di basta rato, a topa cu e auto marca Chevrolet modelo Celta, color blauw numera A-57447 un poco mas panort di rotonde Bushiri riba Watty Vos Boulevard.
Tabatin un hende homber y hende muhe abordo. Ambos a nenga di a bay cu aut’i hende despues di accidente. Ningun por a demostra cu e auto ta di nan. Seguro y impuesto ta locual e auto aki no conoce, no tin nada na ordo riba e auto aki. Ambos a keda na pia, a piki tur nan pertenencia y hal’e na pia pa Bushiri. Polis a confisca e auto aki pendiente investigacion.
