Awe mainta mester a tuma luga un caso entama door di yiu homber di prome minister di Aruba, contra Grupo Nos Aruba. Sinembargo pa cierto motibonan no a sigui. Michael Williams, kende ta representante di Nos Aruba, a splica cu hues a pospone e caso pa duna tempo pa bay door di documentonan adicional cu oficina Croes, Wever & Ruiz a entrega y a yega cerca nan pa 10’or y mey di anochi. Despues cu a haya e documentonan di Nos Aruba y a pasa door di loke a entrega, segun Williams, diripiente nan a bay purba di entrega mas cos.
Sinembargo por mira cu husticia ta traha y cu hues a pospone e caso aki te cu dialuna, pa 2’or y mey di merdia pa asina ey por bay pa e caso aki. Nos Aruba a bin prepara. Si ta pa Williams, e lo a laga e caso sigui cu e extra productie mes, pasobra ta un berdad tin. Williams a agrega cu esun cu a dagvaarnan, cual ta yiu di prome minister, mes no tabata tey presente.
