Casi imposibel pa ta berdad! Menunan fantastico y prijsnan di locura durante “Restaurant Week Aruba”

Den luna di september, bishitantenan y local ta en espera pa e “Aruba Wine and Dine Restaurant Week”, cual ta un festival di un siman largo cu prijsnan di locura y menunan fantastico na nuebe di e restaurantnan mas popular riba e isla.

Pa solamente 45 florin cada un di e nuebe restaurantnan ta ofrece un menu di tres plato cu e chefnan a crea specialmente pa presenta nan restaurant. E di nuebe edicion di “Restaurant Week Aruba” a cuminsa dia 11 di september y ta sigui te cu 18 di september na Hadicurari, MooMba Beach, Nos Clubhuis, Salt & Pepper Restaurant, Tango, Fishes & More, Dragonfly, Café the Plaza y Que Pasa.

Menunan fantastico y prijsnan di locura durante “Restaurant Week Aruba”

Menunan fantastico y prijsnan di locura durante “Restaurant Week Aruba”. Click link pa mas https://24ora.tv/2lOEbbh

Posted by 24ora on Thursday, September 12, 2019

Pa duna un idea di e opcionnan, nos kier a menciona algun plato cu nos ta considera specialmente atractivo, manera e fillet di swordfish na Fishes & More, e “gyozas” of “yakitori” japones como entrada na Dragonfly, e “Hopi Stout braised veal cheeks” cu un mousse di batata dushi na Hadicurari y e entrada di aioli di pica di papaya cu touille di keshi parmesan na Café the Plaza. Tambe nos kier a menciona e entrada di cabaron di coco cu salada balsamico na Salt & Pepper, e “Seafood Quartet” cual ta consisti di grouper, pisca di dia, cabaron y calamari y ta bin cu concomber, aros y salada na Nos Clubhuis, filet mignon lora den bacon cu berdura na Tango y e tempura di tuna y cabaron cu saus oriental, mayonnaise di wasabi, salada di seaweed y berdura di grill na MooMba. Tambe tin e mulato bros na Que Pasa cual ta hasa cu cilantro y pampuna y sirbi cu aletria, berdura y saus di teriyaki.

Esaki ta solamente algun e de opcionnan! Gran parti di e ganashi di “Restaurant Week” lo bay pa Maris Stella, cas di nos grandinan. Esaki ta un motibo mas pa sali come durante e siman special aki. Ta recomendabel pa hasi reservacion pa garantisa e miho lugar pa sinta.Pa hasi reservacion, bishita www.yummyaruba.com.

Comments

comments