Diaranzon ta un dia druk pa Post Aruba NV un biaha mas. Nan a haya casi 70 mil oproepkaart pa voto, cual mester wordo entrega na diferente cas riba nos isla. Tur personal ta druk bezig ta separando e carchinan aki.
Guillermo Raymond, kende ta director di Post Aruba NV, a splica con ta handle cu esaki den e dianan aki. El a comenta cu awor aki ta bezig ta sortia e oproepkaarten pa cuminsa parti mañan mainta. Tur hende cu sa ruta, tur cu ta custuma di bestel, esnan cu ta traha paden tambe lo yuda cu e rutanan. Tur hende cu sa parti carta lo ta riba caya mañan mainta.
Algo mas
E carchi lo bay bin cu un flyer di informacion, unda tin cu vota, kico tin cu trece cun’e. Manera cu e flyer aki ta disponibel, lo cuminsa parti e carchinan di voto. Cada cas ta bay haya un flyer y e cantidad di carchi, ta bay wordo parti.
Cantidad
Tin por lo menos 69 mil carchi. Y tin mas of menos 29 mil cas pa bishita. Tin carchi por bin bek. El a splica cu tin cas cu a wordo basha abao of cu a verhuis den e ultimo dos simannan. Esey por bin bek, pasobra no a laga un adres cerca post Aruba. Directamente ta mandanan bek pa Censo. Esey lo ta dialuna mainta.
Dos dia pa parti
Esaki ta pa concentra riba e carchinan. No kier bay bruha carta cu nan. Ta tuma dos dia pa parti full Aruba, cual ta mas of menos 40 ruta.
Cuanto hende lo ta riba caya
Ta bay tin mas of menos 40 pa 45 partido lo ta riba caya. Esey ta San Nicolas cu Playa y tur ta riba nan scooter y tambe lo bay ta den auto tambe. Pero mayoria di nan lo ta riba scooter.
