Casa Cuna: Saca man fo’i nos cartera!

E trahadonan di Casa Cuna tambe a uni nan mes na e disgusto di e recorte di e 12.6% den nan salario. Tur trahado tin e mesun disgusto y a demostra esaki.

Bernedicta Courtar a comenta cu nan a traha y ta trahando ainda 24/7 durante e pandemia y awo nan ta pidi gobierno pa elimina e recorte di e 12.6%. Nan a respeta e decision di gobierno pero awo si nan ta sinti cu ta basta. E recorte a afecta nan ‘basta’ pasobra nan ta trahando warda tambe.

Casa Cuna: Trata nos digno! Click link pa lesa mas https://24ora.news/3rOaNSG

Posted by 24ora on Wednesday, December 8, 2021

Sindicato lo indica nan kico lo sigui p’asina nan sa kico por haci. Nan ta cla pa sigui sali y demostra nan descontento.

Courtar ta pidi pa gobierno scucha nan pasobra e cartera a cuminsa preta. Awo nan ta den un etapa cu nan no ta pidi mas sino mas bien nan ta exigi pasobra ta 21 luna ta bayendo caba cu nan salario a baha.

Nan a termina cu e mensahe na gobierno: “Saca bo man fo’i nos cartera!”