Cas na candela den Rancho

2737

Dialuna ta habri pa 8:30am caba cu un candela grandi den Ranchostraat. Un cas, cu ta parti den varios camber y apartamento a pega na candela, lagando por lo menos tres famia awo sin un dak riba nan cabes. Te ainda no ta conoci e causa exacto di e candela, aunke ta sospecha cu por ta un “kortsluiting”.

For di leu caba por a mira huma preto tapando e shelo riba nos centro di ciudad, specificamente den e area di Rancho, pues Kowloon Restaurant bay aden.

Candela grandi den Ranchostraat. Cas dividi den varios camber-apartamento a pega na candela. Ta sospecha cu por ta un “kortsluiting”.

Posted by 24ora on Monday, March 30, 2020

Dos unidad di Brandweer a yega na e cas pa combati e candela. Na e momento ey no tabatin ningun hende mas den e cas. No obstante e peliger, toch hopi mirones a yega cerca pa mira e cas na candela, pa cual Polis mester a aleha nan for di e sitio y corda nan tambe di “social distancing” y e instruccion di Gobierno pa evita paramento den grupo den area publico!