Awe, 21 di september, ta dia internacional di Alzheimer y door di e situacion di COVID-19 a pone cu Cas Marie no por ta habri pa su clientenan. E ta un tiki fastioso pero e trahadonan di Cas Marie ta purba di tin contacto cu nan via telefon, Facebook.
Nan ta purba atende telefon par di dia pa siman esnan cu no ta famia di Cas Marie cu mester guia na cas cu nan ser keri cu demencia. Lisette Does, coordinador di Cas Marie, a bisa cu nan a dicidi di pone un extra toke p’e dia aki. Diadomingo atardi nan a duna nan un aprecio pa mustra cu ta corda riba nan. A invita nan pa pasa un drive thru cu famia, estilo di examen. Tabatin speransa cu famia pasa cu nan auto decora cu color biña, e color di alzheimer. Cas Marie a haya yudansa di diferente luga pa por traha un pakete y regala nan.
Segun Does, ta trata di binti famia y e edadnan ta varia entre sesenta y ochenta y pico. El a sigui splica cu alzheimer ta un tipo di demencia, pero tin hopi tipo di demencia. E ta recomenda famia cu haya sa cu nan ser keri tin alzheimer, pa sa kico ta e sintomanan di esaki of cualkier otro demencia. Door di tin google por busca kico ta e caracternan cu ta bin acerca, pasobra un mama, casa, tata, ta bay bira diferente cu normal. Ta bon pa haya sa kico ta e puntonan cu ta bin dilanti y con pa trata nan. Si no por saca afo e puntonan cu ta bin dilanti, semper por yama Cas Marie.
Cas Marie nan ta cla pa yuda y guia na cas aunke no ta atende na pasadia di Cas Marie. Nan porta ta habri pa duna tur hende e guia manera mester ta. Does a bisa di ta hopi importante cu unabes guia e famia manera mester ta, e ta menos stress pa e persona mes y ta duna su ser keri un miho calidad di bida. E situacion ta dificil na e momentonan aki, p’esey ta gradici tur compania y hende cu ta yuda nan, pero ta haci esey cu otro instancia tambe.
