Cas di Señor ta pa tur su yiunan: Comunidad ta pidi ayudo pa ambulantenan

Den oranan di mainta (10:00AM) cuidadano ta pidi presencia di polis pa un bista cu ta mas bien un grito di auxilio. Un Adicto ambulante drumi dilanti porta di Misa di Playa.

Ta cocnoci cu esaki ta situacion recurente, caminda adictonan ta busca refugio pa pasa anochi. No por ta straño cu ta bay drumi akinan mirando cu e Cas di Señor ta unda cu el a bisa cu semper tur su yiunan ta bonbini.

Momento cu patruya a yega, a bay atende cu e persona aki, pero polis no a deten’e. Servicio cu nan ta brinda ta pa protehe y sirbi e pueblo, como tal a wak un persona den nececidad y a purba yuda unda cu por. E persona aki a conta cu e ta di nacionalidad Haitiano, su famia no tin contacto cu ne mas y ta ambulante pa algun tempo. A pidi’e pa bandona sitio pero pa busca ayudo, pa asina e por haya un caminda pa pasa anochi enbes di dilanti porta di Misa.