Cas di Cultura a tene su bendemento di sopi den cuadro di Nos Dia Nacional

Cas di Cultura no a keda afo for di e celebracion di Dia di Himno y bandera. Y tradicionalmente a tene un opendag. Esaki ta di cuater aña cu ta haciendo un bendemento di sopi, segun Vicky Arens, directora di Cas di Cultura.

Ta haya donacion di restaurantnan renombra, cu ta regala nan sopi y di e manera ey ta haci e dia aki como un Dia di Recaudacion di fondo, pa e metanan di Cas di Cultura, cual ta keda mantene e facilidadnan, pero tambe keda cu e meta di tin un Cas di Cultura renoba aki paar di aña. E evento tabata di 10’or di mainta pa 3’or di atardi. Tabata tin 8 sopi bendiendo. Tabata tin varios sopi di pampuna, pisca, oester, cual a caba lihe, galiña y di berdura. Ta danki na Jantie, Driftwood, Taste of Belgium, Casa Tua Renaisance Resort y Delimar entre otro.

E bendemento di sopi ta di cuater aña cu ta haci’e y ta combin’e cu bendemento di artesania, segun Arends.