Carubbian lo cuminsa bek dia 24 di Augustus den un bachi nobo

Carubbian, un evento cu tabata trece un cantidad di hende tur diahuebs San Nicolas. No solamente local, sino turista tambe. Nos a combersa cu minister di Turismo, Mike de Meza. El a splica e fecha cu Carubbian ta bay cuminsa bek y tambe lo splica kico tur a wordo haci pa trece un cambio den Carubbian y esaki tin su motibonan tambe pakico e tardansa pa cual motibo Carubbian pa algun tempo no tabata tuma luga.

El a comenta cu Carubbian lo cuminsa bek dia 24 di Augustus, di 6’or di atardi pa 10’or di anochi. E lo ta e prome parti di Carubbian. E ta bay ta den un bachi nobo. Un localidad nobo tambe, na e edificio di RdA, ex edificio di DOOV, caminda cu ta bay duna un ilustracion di e ultimo 150 aña di San Nicolas su desaroyo. E ta bay wordo ilustra via Videomapping riba edificionan di San Nicolas. Manera Watertoren, Nicolaas Store, y tambe edificio di RDA. Tambe lo bay mira si lo pone riba otro edificionan. E ta bay haci un ilustracion masha bunita mes di e desaroyo di 150 aña di San Nicolas.

Den esaki tambe lo tin un show musical/cultural cu tambe lo tuma luga y tambe lo bay tin cushina cu semper tabata tin, di e diferente culturanan cu tin na San Nicolas. Lo tin esnan tambe cu ta bin cu nan trabaonan di artesania. Lo e haya e oportunidad di presenta esaki y na mesun momento bend’e tambe. E ta bay ta den un bachi nobo. El a dura un tiki mas largo cu a spera, door cu tin un board nobo den e Stichting y tin tambe un situacion cu mester a wordo drecha cu na momento cu de Meza a tum’e over, a tuma nota cu tabata tin debenan sumamente grandi y no tabata tin placa pa paga e debenan ey.