E debenan a existi door di e trabaonan di esnan cu a participa den e show di Carubbian, cu ta wordo contracta door di e Stichting Carubbian, a haci nan trabao y nunca a wordo paga. Tabata tin debe di 2015 ainda cu un balente cantidad di miles di florin cu mester a wordo paga. Na e momento ey a tuma e decision pa para Carubbian pa percura cu e situacion financiero di Carubbian ta wordo coregi, ta wordo drecha, caminda cu tin tambe e fondonan cu por paga esnan cu a labora cu Carubbian y tambe cu por cuminsa den un biento fresco y na momnto cu ta cera contract cu companianan, cera contract cu gruponan di baile, cera contract cu otronan cu ta duna serviciona Carubbian, cu nan mester wordo paga tambe. E no ta corecto cu tin hendenan cu a traha cu Carubbian na 2015 cu awe ainda na 2017 no a haya nan placa. Te dia di awe tin diferente invoice cu ta drentando di diferente grupo cu tambe a traha den Carubbian y nunca a paganan. Mester a bay profundisa nan mes den tur e situacion di Carubbian y cambia esaki tambe.
A kita sigur 70% di tur e debenan bieu caba, pero tin un otro 25 pa 30% cu ta habri ainda cu tin cu cumpli cun’e. Awor aki ta bezig cu e fondonan tambe pa tin mas tanto fondo cu ta posibel pa Carubbian cu por percura cu ora un hende participa den e show di Carubbian nan wordo debidamente paga tambe pa trabaonan cu nan a haci. No kier cuminsa cu un Carubbian cu ta bay keda draai riba debe. E no ta corecto. A deshaci di e sistema eynan.
No lo ta central
Carubbian lo keda den caya grandi, pero e lo bay move diferente parti. E biaha aki e ta cuminsa na e rotonde di e refineria di Aruba, cu Nicolaas Store. E entrada lo ta na Watertoren y full e parti cu ta core den e caya p’abao di Nicolaas Store. Pero tambe ta bay mov’e mas pabao y ta bay mov’e mas p’ariba tambe na e sitio anterior. E ta bay ta un festival cu ta bay mira su localidad ta movibel. E show ta bay ta den diferente forma, den un bachi completamente nobo y e Stichting tambe su boardmembers ta nobo, cu excepcion di sr. John Hassel kende ta presidente di e Fundacion. E ta bay ta un show tremendo, sumamente bunita. Ta gradici tur hende cu tabata tin e pasenshi, pero tabata necesario. Pa no causa morto di Carubbian a dicidi para e show pa por drecha su situacion financiero y otro asuntonan bon y pon’e bek den un bachi nobo, cu di e forma aki awor ta bay tin un producto sumamente bunita.
Bin dia 24 di Augustus y forma parti di Carubbian pa aña 2017 y asina tambe lo sigui den un aire fresco, cu directiva nobo, cu menos debe di loke nan a haya. Debenan grandi y finalmente Aruba y turistanan lo join otro den un gran celebracion di Carubbian Festival.
