Recientemente por a tuma nota di un discusion encuanto e “privatisacion” di enseñanza publico. Esencia di e discusion aki ta cu e paso aki riba termino largo lo costa Gobierno menos placa pa inverti den scolnan publico, den salario di maestronan, vakantie uitkering, gelijkbedrag, infrastructura etc. Na hulandes bo ta yame cu for di e bezuinigingsronde esaki ta locual e actual Minister di Enseñanza a conclui, privatisacion di DPS lo baha gasto di gobierno riba termino largo. Ta trata na splike bunita, dor di argumenta cu bo ta supuestamente depolitisa enseñansa publico, pero e realidad ta cu ta trata di presion di parti di CAFT pa asina baha gasto di gobierno. Awor algun pregunta ta surgi.
1. Prome cu bo a yega na e conclusion aki, tabatin dialogo riba esaki cu e maestronan? A sinta cu e sindicatonan di maestronan prome cu a yega na e conclusion drastico aki?
2. Tin cualkier rapport/estudio cu ta conseha e Minister actual sr. Lampe cu esaki ta algo asina esencial na e momentonan aki?
3. Di unda ta saca e conclusion cu DPS ta politisa den e momentonan aki?
4. A tene cuenta cu 1000 maestro cu ta ambtenaar na e momentonan aki ora cu a yega na e conclusion aki?
5. Si un ambtenaar kier haya un overplaatsing esaki lo ta posibel bou di e stichting nobo?
6. Bou di e fundacion nobo aki, kiko ta mi proteccion legal (actualmente LMA) cu mi tin?
7. Minister Lampe a consulta esaki caba cu conseho di Minister? Y kiko esakinan ta pensa di e cambio drastico aki? Tin consensus riba esaki?
8. Den e kern taken analise di Gobierno otro departamentonan lo mester a bin na remarke prome cu DPS? Dicon a cuminsa aki?
9. E edificionan di scolnan lo keda bou di maneho di Minister di infrastructura of esaki tambe lo wordo poni bou di e fundacion?
10. Pakiko ta hasi distincion entre e ambtenaar nan aki cu otronan den gobierno?
11. Ken lo keda finalmente responsabel pa maneho di eseñanza ora cu e ‘super’ fundacion aki tuma over?
12. Ken lo supervisa e fundacion aki y na ken nan mester duna cuenta?
13. Parlamento di Aruba su rol den influencia e calidad di educacion ta bira nulo?
14. E derecho di cada ambtenaar cu a solicita pa traha na un scol publico (y no un fundacion) por simplemente wordo cambia di un dia pa otro?
15. Con e proceso nobo di bevordering lo bai awo?
16. Enseñanza publico su esencia tabata pa eseñanza pa accesibel pa tur mucha. Esaki lo sigui ta asina bou di un fundacion?

Caida di un gobierno

Na momento cu parlamento consistiendo di mas fraccion no ta diacuerdo cu un cambio grandi asina, cu ta afecta tanto mama y tata famia cu un desicion asina, bo tin un kiebro di confiansa den un Minister y den Gobierno. Conclusion ta cu pa e cambio aki no tin “draagvlak” den e sector aki. No a consulta manera debe ser y tampoco tin un estudio pa carga e cambio aki. Nos ta premira un contra tiempo hopi fuerte pa gobierno si nan trata na pusha un desicion di e magnitud aki den strot di e pueblo di Aruba.