Carnival Cruises tambe ta extende nan periodo pa reanuda operacion

1108

Carnival Cruise Line ta extende nan periodo di nan operacion Norte Americano te cu dia 11 di mei.Nan ta trahando cu nan huespednan pa adresa e interupcion di nan plannan vacacional y extende nan disculpa.

Pa nan conveniencia, Carnival Cruise Line a automatisa e proceso di servicio na cliente y urgi huespednan y partnernan di biahe pa por fabor uza e plataforma online manera a pidi den emailnan cu a wordo manda.

E oficinanan di e crucero den Greater Miami lo keda cera riba ordo di oficialnan local y nan habilidad pa maneha yamada a wordo impacta severamente door di e situacion actual.

E webaddress pa clientenan pa haci un seleccion mta https://www.carnival/request-forms/cancellation-preference-v2.aspx.

Ta bon pa tuma nota cu peticionnan solamente por wordo incorpora atrabes di e link aki pa biahenan impacta door di e cancelacionnan aki.

E decision aki tambe tin implicacionnan pa e miles miembronan di tripulacion cu ta kedando riba e barconan, y manera cu semper nan a bin ta percura pa e huespednan, e compania diligentemente ta sigui percura pa nan y hiba nan cas segun cu por.

Carnival Cruise Line ta keda comprometi pa duna e servicio y lo uza e momento aki pa sigui construi procesonan adicional, protocol y recursonan pa proteha e salud y siguridad di su huespednan, tripulacion y e destinacionnan cu nan ta sirbi.