Carnavalistanan trahando riba un tayer di Carnaval

Legendarionan di Carnaval a bini hunto, unda cu nan a tene e prome reunion y e encuentro aki a bay uno bon. E acogida tabata bon. Den carnaval di Aruba tin hopi leyenda y e encuentro aki ta e comienso, unda a haya feedback. Alvin Koolman a expresa cu aki nan a haya sa kico nan ta pensa, kico tur a haci y con pa traha un caminda y drecha na comienso. A trece hopi idea padilanti con pa lansa e fundacion, pero e meta principal ta pa trece e “know how” cu cada uno tin. Tambe cada un di nan trece esaki na e lidernan di e generacion nobo di Aruba y gradici carnaval.

ADV

 

E tarea specifico di Legends ta pa tur ramo di carnaval, unda tin organisacion, diseño, construccion, decoracion, con pa trece y organisa henter e proyecto di carnaval p’asina haci’e riba un costo efectivo. Cada un di e legendario tin cierto experencia y cierto experticio ariba un parti di carnaval en general y tin hende cu tin esaki total. Tambe tin hende cu ta tremendo decorado, tin cu ta tremendo den parti di construi e parti di welding.

Legendarionan trahando hunto pa bin cu un tayer di carnaval

Posted by 24ora on Wednesday, December 5, 2018

E motibo di e fundacion ta pone tur hunto y duna esey, Alvin Koolman a expresa. Den futuro nan tambe lo participa. E plan di awo ta participacion como seccion y asina cu carnaval pasa lo trece e tayernan aki pa cada persona cu kier siña. Ta bin cu diferente tayer di diferente ramo y specialmente p’e carnaval di mucha, cual nan kier pa crece.

Carnaval di mucha ta importante y mester sa con pa haci’e. E mucha mes no ta haci hopi cos pero e mayor ta haci. E mayornan tin biaha mester eligi carnaval grandi of carnaval di mucha. Esey ta pone cu ora di eligi ta yega cumpra cualkier cos p’e carnaval di mucha y haci algo djis p’e mucha participa, pero no ta worry mucho cu e carnaval. Loke Legends kier haci ta pa trece algo y ora carnaval di mucha pasa mester ta orguyoso. E fundacion kier pusha pa logra esey.

E fundacion no kier bira un competencia pa SMAC. Alvin Koolman a sigui bisa cu ora di organisa carnaval di Aruba ta algo completamente diferente. E organisacion di SMAC t’ey y nan kier haci esaki mas efectivo via SMAC. E fundacion t’ey pa duna nan sosten na SMAC si nan mester di esaki pero cualkier otro grupo cu tambe mester di nan.

E meta principal di e fundacion ta pa duna e conocemento di tur e añanan, unda cu hendenan di diferente ramo y grupo a yega hunto y cada uno kier duna nan conocemento na Aruba completo. Nan kier duna informacion riba diferente aspecto di carnaval y kier haci esaki door di organisa tayernan pero tambe pa documenta tur cos.

Comments

comments