Carl “Galloway” Roosberg ta conta su experiencia na International Soca Award 2019

Algun luna atras nos por a corda cu Aruba completo a uni pa asina sostene, cu voto, e artista local Carl “Galloway” Roosberg. Nomina den 3 categoria pa e International Soca Awards 2019, cual tabata: Power Soca Of The Year – Male, Soca Music Video Of The Year – Male y Pop Up/Breakthrough Artist/Song Of The Year – Soca (Bonus) cu e cancion/video Memories. For di akinan preparacion a cuminsa pa e fecha di evento final caminda lo entrega premio.

October 10, 2019 na Miami acompaña pa un grupo di integrante/colega di banda Tsunami como tambe sostenedonan/ fanaticonan fiel di Galloway, nan a yega hunto pa asina forma parti di un anochi inolvidabel. Galloway ta conta di su banda cu e tabata algo cu bo no por expresa den palabra y cu nunca lo bo por expect. E ta hopi contento di por a experiencia esaki hunto cu e team di Tsunami caminda nan a laga atras un tiki di e sabor/ ambiente di locual Aruba ta representa.

Carl “Galloway” Roosberg ta conta su experiencia na International Soca Award 2019

Carl “Galloway” Roosberg ta conta su experiencia na International Soca Award 2019. Click link pa mas https://24ora.tv/2nYkUFS

Posted by 24ora on Thursday, October 17, 2019

Entre artistanan grandi den e mundo di Soca e unico cos cu sigur tabata resalta ta e “LOVE” cu a sinti y cu a comparti entre e musiconan cu ta biba cu Soca den nan sanger. Galloway ta sinti su mes honra simplemente di tabata nomina so, mirando e nomber di artistanan grandi di Soca cu tabata den e lista hunto cu ne. Esaki ta un estimulo pa sigui y sigur cu entusiasma pa mira locual lo bira otro aña.

Cu planes pa hiba su presentacion na un “Next Level” por spera hopi mas, no solamente di Galloway pero tambe di Caiso y Soca di nos Isla cu sigur tin chens di resona den Miami Carnival pasobra Aruba su Carnival tambe mester ta entre e mihonan den mundo.
Galloway na nomber di Tsunami Aruba kier gradici ATA, RdA y Champagne Carnival Group pa por a haci e experiencia aki posibel.