Caribisch Netwerk y 24ora.com den programa Aruba Compass

483

Esaki ta di cuater edicion di e programa Aruba Compass, dirigi pa Anthony Mezas, presenta ayera tardi 5:00pm for di Hostaria da Vittorio Restaurant. A invita Sharina Henriquez di Caribisch Netwerk y Patrick Paskel di 24ora.com pa combersa riba e tema di futuro di media na Aruba. E programa a dura algo mas cu un ora di tempo, den cual ambos invitado a enfoca riba nan industria di media, e retonan, e oportunidadnan y e desaroyonan cu e pandemia a trece cu ne.

No ta un secreto cu e efectonan economico di e pandemia a causa retonan den tur sector di comunidad. E hecho cu negoshinan a haya nan mes ta corta den gastonan debi na menos entrada, a haci cu automaticamente ta corta den propaganda y promocion. Como cu na Aruba e sector di prensa ta depende 100% di propagandanan priva, ta causando cu henter e sector ta bou un presion enorme.

Media y Prensa 2020

Danki na @Hostaria Da' Vittorio cu nan cooperacion. Nos ta invita Aruba, pasa pa support nos negoshinan localnan.Danki na Mak Koolman pa su bunita cantica "Mundo ta un Milager". Videoclip: https://www.youtube.com/watch?v=JSqBjhg6SvE 24ora MasNoticia.com Noticia Aruba Diario Tv Aruba NoticiaCla Bon Dia Aruba Diario Aruba arubanative.com Boletinextra.com Caribisch Netwerk AWEMainta Awe24.com , Curaçao News Boletin Extra "Noticia Directo", EA News, Aruba Nieuws Solo di Pueblo, Amigoe Aruba ShowyMas Aruba, Aruba Today,, Aruba Online News, Global News Aruba, Noticia Caliente Aruba Canal 22 Aruba, FRESH Aruba,

Posted by ArubaCompass on Saturday, October 24, 2020

Ta den e cuadro ey mes ta purbando tambe pa corta gastonan den prensa, den un esfuerso pa haci e “cost of doing business” menos posibel. Asina por mira cu e cantidad di paginanan di corantnan a baha drasticamente e ultimo tempo. Ta pronostica cu den e siguiente temporada, mas corant lo opta pa stop di imprimi, pa evita e gastonan halto di papel y imprenta, y opta pa digitalisa.

Sharina Henriquez awendia ta periodista di Caribisch Netwerk na Aruba y sa yuda tambe na e otro islanan den Caribe Hulandes. E tin 46 aña di edad y den pasado a traha tambe na Rijksvoorlichtingdienst na Hulanda, na Amigoe di Aruba y tabata hefe di redaccion na Bon Dia Aruba.

Patrick Paskel a informa den e programa cu na 24ora.com, a nota un crecemento di casi 40% den cantidad di usuario y e tempo cu ta pasa riba e website mas mira na Aruba, den e prome 9 lunanan di e aña. E hecho cu tabatin Toque de Queda y Shelter in Place a haci cu mas hende a keda cas y a opta pa sigui noticianan via nan celular of computer. Den esey 24ora.com a nota un crecemento grandi den e cantidad di “views” riba nan videonan y storianan cu ta presenta diariamente.

Patrick Paskel di 45 aña di edad tin un carera amplio den prensa na Aruba, cu a cuminsa na Radio 1270 AM, sigui pa Radio Galactica FM, Canal 90 FM, matutino Corant, Bon Dia Aruba, Diario, como reportero y presentado na ATV y desde 2009 ta forma parti di Headlines Group, e compania cu ta maneha 24ora.com. E ta orguyoso di mira 24ora.com crece for di un idea chikito for di den camber di studiante di e fundado Mark-Benson Denz, te den e medio di comunicacion mas grandi di Aruba!

Como un contesta riba e desaroyo positivo aki, e compania a percura pa haci un inversion cuantioso den ekiponan nobo y a tuma mas empleado pa por garantisa cu por maneha e demanda di noticia riba nos isla. Den e siguiente simannan lo nota e cambionan aki “online” mientras cu a probecha pa anuncia cu den algun siman lo presenta un corant digital tambe.