Caribe mester 35 miyon Dollar pa atende migrantenan Venezolano

E cantidad di Venezolanonan cu ta busca refugio den Caribe lo aumenta drasticamente na 2019. Actualmente tin un cantidad di 147 mil migrante Venezolano na Corsou y Aruba. Trinidad y Tobago, Republica Dominicana y Guyana, na fin di otro aña, su cantidad lo a aumenta den un 50% pa 200 mil.

Esaki por lesa den e Regional Refugee and Migrant Response Plan (RMRP), estableci bao coordinacion di e organisacion di refugiado di Nacionnan Uni, UNHCR. Un total di 95 organisacion di 16 pais envolvi a contribui. Aunke cu autornan di e RMRP a predici un aumento grandi di fluho di refugiado pa Caribe, e Secretario di Estado pa Relacionnan di Reino, Raymond Knops, a informa Tweede Kamer diabierna ultimo cu “actualmente no tin indicacion cu ta mustra un fluho (inminente) di migrante pa e parti Caribense di Reino Hulandes.”

RMRP ta pone hopi atencion na e recepcion inadecua di e migrantenan Venezolano na Corsou y Aruba como resultado di legislacion y regulacionnan inadecua y e capacidad limita na e islanan pa dirigi un entrada asina grandi den e direccion corecto. Den e documento, ta describi e circunstancianan no humano den cual ta trata e refugiadonan, di manera bastante explicito.

E autornan di RMRP ta calcula cu tin mester di un total di 738 miyon Dollar di e comunidad internacional pa proporciona un total di 3 miyon refugiado Venezolano cu atencion humanitario. Di e suma ey lo mester di 35 miyon Dollar pa Corsou, Aruba, Trinidad y Tobago, Republica Dominicana y Guyana.

Comments

comments