E organisacion di Caribbean Monster Truck Shootout 2022 kier a gradici e pueblo di Aruba pa e interes nunca antes bisto den un evento di Motorsports na Aruba. Nan meta como organisacion desde inicio tabata y ta continua di ta pa crea un experencia unico cu por wordo disfruta den seno familiar.
Ayera, diabierna 30 di september 2022 tabatin e prome show di cual a haci maximo esfuerso pa acomoda y organisa un show di calidad pa pueblo di Aruba por disfruta. E organisacion a nota den social media y tambe cu conversacionnan cu esunnan cu a atende e show; cu tin algun punto di mehoracion.
Caribbean Monster Truck Shootout 2022 kier a pidi disculpa na tur esunnan cu pa un of otro motibo ta di opinion cu e show of organisacion di e evento no tabata na nan agrado.
Despues di deliberacion extenso cu tur na partner-, sponsor y boluntarionan, e organisacion Caribbean Monster Truck Shootout ta anuncion cu lo tene un show extra.
E show extra lo tuma luga dia 9 di october 2022, primordialmente pa esunnan cu no a logra haya ticket pa por atende e shownan cu nan yiu of den seno familiar.