A funda Caribbean Arthritis Foundation na 2015 lanta na Aruba. Su enfoke ta ful e region di Caribe. Segun presidente Francisco de Mey, a lanta e fundacion cu pa motibo cu e tempo ey no tabatin hopi informacion general pa pashent di artritis. Tin por lo menos 650 forma di artritis di cual reumatismo ta un grupo apart.
E fundacion t’ey pa duna informacion na pashent. Tambe nan ta organisa actividad pa y cu pashent. Door di e situacion cu tabatin den e ultimo dos añanan, nan a kick off. Den e sentido ey nan lo tin nan prome evento e luna aki.
E prome actividad cu nan lo bin cu ne, lo ta dia 20 di april proximo, segun secretario di e fundacion Edbert Schwengle. Esaki lo tuma luga di 6:00 pa 8:00 pm na Surfside Marina y e ta completamente grandi.
Dokter Rashidi Rellum lo hiba algun palabra n’e pashentnan presente. Djey lo presenta e asociacion oficialmente hunto cu e comision di pashent, cu ta consisti di algun pashent.
Durante aña 2022 lo bay tin diferente actividad special p’e pashentnan cu ta sufri di reuma/artritis.
Pa mayor cobertura lesa TREMPAN.
