Cargacion di marihuana haya na Calbas

Diasabra den oranan laat di atardi polis a presenta na Calbas 81A p’un pelea grandi. Na yegada a constata cu trata mas bien di un problema entre bisiña. Doño di cas no ta contento di esun cu ta huur un luga di keda. A resulta cu e huurdo tin un plantacion grandi di marihuana den su propiedad.

Na prome instante polis a detene tanto e doño di cas como e huurdo. Na final, e huurdo a permanece deteni. Den cooperacion cu team forensico di polis a confisca basta mata di marihuana.

Awo, e huurdo tin di bay duna cuenta di cada mata di marihuana cu el a planta. Den un pickup di polis a transporta tur e matanan pa warda di polis. Un problema di bisiña a termina mucho mas pio pa e huurdo.

Cargacion di marihuana haya na Calbas

Cargacion di marihuana haya na CalbasClick link pa lesa mas: https://24ora.news/3aVJrk6

Posted by 24ora on Saturday, May 1, 2021